استعملى الحبهان فى مطبخك دايما

استعملى الحبهان فى مطبخك دايما، 

وده غير انه بيدى الأكل نكهة جميلة

 وكمان بيساعد على الهضم وعلى تخفيض ضغط الدم العالى 

وكمان فيه مادة الليمونين اللى بتقوى نشاط مضادات الأكسدة 

الى بتحميكى من أمراض كتير

 زى الشيخوخة والجلطات والتجاعيد

طريقة سهلة تشيلي بيها قلب الفراولة

 طريقة سهلة تشيلي بيها قلب الفراولة 

وهو انك بتستعملى  شفاطة بس تدخليها جوه الفراولة وتزقيها

 بعد كده تشيلي قلب الفراولة من الشفاطة وتكرري

الفكرة دى نفعتنى كتير خصوصا لوعندك كميه كبيرة وحابه تخزنيها

كريب بالمربى

كريب بالمربى
المقادير :

1 كوب دقيق
1 كوب لبن
3 بيضات
ذرة ملح
مربى اى نوع مفضل ليكى
الطريقة :

اخلطي اللبن مع الدقيق وذرة الملح والبيض جيدا لحد لما يكون خليط سائل شوية

وسخني طاسة واعمليه فيها من الوشين ولما تستوي ادهنيها بالمربي او اي حاجة

تجبيها حسب رغبتك

بالهنا والشفا

عيش التوست

عيش التوست
 

المقادير

3 كوب دقيق
-كوب ونص ماء دافىء
-2 معلقه سكر
-3 معالق زيت زيتون او زبده او زيت نباتى
نص معلقة كبيرة خل
-معلقة ملح -
2 معلقة خميرة فوريه
3 معالق حليب بودر

الطريقه
--------
اول حاجه هاندوب الخميرة مع السكر فى نص كوب ماء دافىء
وننخل الدقيق ونضيفله الحليب البودر والملح
نضيف المقادير على بعضها ونعجن نعجن كتير لحد ما تبقى عجينه طريه لونها

فاتح ونسيبها تخمر ساعه بعد التخمير افردها واطويها رول ندهن القالب زيت

ونحطها نسيبها تخمر ساعه ونص علشان تعلى وتنفش على لاخر
ندخله فرن حامى
على الرف الوسطانى بيحب الحراره الهاديه
علشان وشه يبقى مقرمش
اول ما بقرب ع السوا ندهن وشه زيت علشان يلمع

صينية الكوسة بالنعناع من بيت منولا

المقادير
نصف كيلو كوسة مقشرة ومقطعة
1 كوب عصير الطماطم
1 ملعقة كبيرة صلصة الطماطم
1 بصلة كبيرة مقطعة شرائح
1 مكعب مرفة
ملح وبهار وفلفل
معلقة بودرة نعناع جاف
1 ملعقة كبيرة سمن اوزيت ذرة
الطريقة

نضع البصل فى الصينية و بنتبلها بالتوابل
ونضع الكوسة ونضع عليها الطماطم والصلصة 
ونذوب معها مكعب المرقة ونضع عليها النعناع ونرشه على وجه الصينية 
اللى بها الكوسةوتترك لحد ماتستوى زى ماهى بالصورة كده
وتقدم بالف هنا مع طبق ارز الأبيض او الارز المفلفل 
على فكرة النعناع ده بيديها طعم خطير جربوها ومش تندموا

كيفيه فصل الصفار عن البياض

طريقه سهله توضيح
كيفيه فصل الصفار عن البياض

طريقىة الكيكة الاسفنجية

ازيكم ياحبيباتى انا جبت الطريقه دى من كتاب خاص للحلويات وكمان من امى وجربتها اكتر من مرة وان شاء الله طريقة مضمونة
ولازم تعرفوا انه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
جميع المقادير المستخدمه بيض او طحين لازم لازم تكون بدرجه حراره الغرفه
واوعى تنسى المعلومه دى لانها مهمه جدا ولكن قبل ما نعمل الكيكه الاسفنجيه بنص ساعه بخرج البيض والدقيق من التلاجه حتلاقى قطرات ماء تجمعت على البيض بعد النص ساعه كده تقدرى تستخدمى البيض
لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا
الدقيق والنشا والبيكنج باودر ا مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين
مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه
مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
و اللى بيخلى الكيكه مكتومه حاجتين الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره
وده بيخلى الكيكه طالعه زى الخبز مكتوم

الان المقادير المظبوطه
طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق و عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
المقادير
الكوب المستخدم للدقيق لازم يكون هو هو اللى حتقيسى بيه السكر والنشا
6 بيضات بدرجه حراره الغرفه
كوب الاربع دقيق
كوب الا ربع سكر ناعم مهم يكون حبيباته ناعمه
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
ربع كوب كاكاو غير محلى
لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير
سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه
دى حتخلى الهوا اللى نفخ البيض يخرج تانى
ومش حتبقى هشه ابدا
باستخدام معلقه خشبيه ضيفى ملعقه دقيق واحده
وقلبى ببطء جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد
لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله
او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
واياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله حتلاقى احلى كيكه اسفنجيه عملتيها

ودى صور لشكلها
بس مش من عملى
بس لتروا كيف شكلها منفوش

فاصوليا خضراء باللحم من مطبخ منولا

فاصوليا خضراء باللحم من مطبخ منولا

نصف كيلو فاصولياء خضراء مقطعة
1 كوب عصير الطماطم
1 ملعقة كبيرة صلصة الطماطم
ربع كيلو مقطع وسط
1 بصلة وسط، مفرومة
1 مكعب مرفة
ملح وبهار وفلفل
1 ملعقة كبيرة زيت ذرة او سمن
طريقة التحضير

نشوح البصل مع اللحمة فى الزيت او السمن لحد ماتنزل مرقة اللحمة
وتذبل البصلة وتصفر شويه بنتبلها بالتوابل ونضع عليها الطماطم والصلصة
ونذوب معها مكعب المرقة وتترك حتى تتسبك وتتقل الصلصة
وبعد كده نضع الفاصوليا ونزود نصف كوب ماء او شوربة لو موجود
ونتركها لحد ماتستوى وتنضج الفاصوليا واللحم

وتقدم بالف هنا مع طبق ارز الأبيض
او الارز المفلفل

طريقه عمل المرتديلا

طريقه عمل المرتديلا

المقادير
نصف كيلودجاج بدون عظم او دهن
او لحم بقرى مفروم
كوب خبز مطحون بقسماط
بيضه واحده
بهارات فلفل اسود
ملح -كمون -بابريكا للون
زيتون اسود او فلفل اخضر
الطريقة
بنضعهن بالخلاط حتي ينعموا مع بعض

ثم نضعهم بورق بلاستيك
وبنضغط الطرفين حتي ما يكون اي هواء بالداخل ثم ورق المنيوم

نضع الرول بحلة على النار فيها ماء ساخن وورق غار وملح وفلفل اسود وشويه خل

بنحطه ساعه على نار هاديه وبعد ساعه بنتركه يبرد وبنضعه بالثلاجه
حتي يتماسك حوالى 5 ساعات

بنقطعه زى ما نحب وبالف هنا

طريقة عمل أكواب كب كيك البرتقال

طريقة عمل أكواب كب كيك البرتقال

لتحضير أكواب كب كيك البرتقال، يلزم توفير المقادير التالية:

علبة مزيج كيك أصفر.

كوب ونصف ماء.

نصف كوب عصير برتقال.

ملعقة صغيرة برش ليمون.

ثلاثة حبات بيض.

ثلاثة نقاط ملون طعام برتقالي.

أكواب أو عبوات كب كيك ورقية.

أما طريقة تحضير أكواب كب كيك البرتقال:

• يسخن الفرن الى درجة حرارة 350.

• تضاف كل المكونات الى وعاء كبير وتخلط جيد لمدة ثلاثة دقائق.

• تعبئ الأكواب بالخليط الى النصف تقريبا. تطبخ لمدة 20 دقيقة.

• توضع كريمة البرتقال الى الكب كيك.

• اذا طبخت في القوارير الزجاجية يجب أن توضع على صينية عليها ورقة زبدة قبل وضعها في الفرن.